دا لاخواتى البنات اللى عايزين يتزوجو هههههههه

بسم الله الرحمن الرحيم

ازيكم يا بناات..؟!! ويا شباب بردو مايضرش ...!!

.... هتموتي وتتجوزي صح ؟؟؟

متخفيش هتتجوزي يختي ده شر لابد منه .....لكن انتي في نعمة ومش حاسة بيها عارفة ليه ؟؟ هقولك ..

انتي دلوقتي عايشة حياتك اخر روقان ودلع وعدم ارتباطك له عشر فوايد مش هتحسي بقيمتهم غير وانتي جوا القفص ....

1-

مش هتكوني مضطرة انك تستحملي شخصية واحد مختلف تماما عن شخصيتك ... ده غير بقي انه طول الوقت

هيفضل يشخط وينطر قال يعني عامل فيها عنتر وينفعل عليكي بدون داعي ...
2-

تاكلي براحتك وبمزاجك الاكل اللي يجي علي بالك من غير ما تقلقي ان كان وزنك هيزيد ولا لاءده غير انك هترتاحي

من تعليقاته البايخة ومش هيبقي وراه شغلانة غير التريقة عليكي وانتي رايحة وجاية ادامو هيقولك يا تخينة

.. حتي اللقمة باصص فيها ..
3-
حياتك دلوقتي عاملة ازاي ..؟؟ بتقومي وقت ما انتي عاوزة وتنامي وقت ماانتي عاوزة , تقعدي علي الكمبيوتر ..
تتفرجي علي التلفزيون ... تخرجي مع صحباتك .. يعني عايشة حياتك بالطول والعرض اخر روقان

لكن بعد الجواز انسي كل ده هتلاقيه واقفلك ز ويقولك انتي رايحة فين ؟؟ كنتي فين يا هانم ..؟ بتكلمي مين ؟؟

هيكون مين يعني ... ده غير انه ممكن يحلف عليكي لو طلعتله الزربونة بالطلاق انك متروحيش لمامتك
4-
شنطتك فيها فلوس صح ؟؟دي فلوسك انتي لوحدك ...تجيبي بيها اللي نفسك فيه كله ازازة برفان
يعني هتجيبي اللي انتي عاوزاه من غير ما حد يدخل في مشترياتك .. لكن بعد الجواز لو جيبتي حاجة من نفسك
هيفضل يقولك وده لازمته ايه ؟ ايه الحاجات التافهة اللي انتي جبتيها دي ؟ مش البيت اولي ؟؟كفاية بعزقة ولمي ايدك ..
اما هو بقي يروح يصرف علي مزاجه وعلي سجايره ولو قلتيله حرام عليك هيقولك هو انا اللي بشتغل ولا انتي ...

5-
متعودة انك تقضي يوم معين في الاسبوع في اي مكان بتحبيه ؟ او متعودة انك تزوري صحبتك الانتيم ؟؟
او متعودة انك تروحي رحلات مع صحباتك ؟؟؟بتعملي كدة دلوقتي صح ؟؟
هيصي يا بنتي وافرحي ده انتي في نعمة ... شوفي بقي لو اتجوزتي كل ده هيكون احلام وزكريات جميلة وهيكون
ممنوع والغاء من حياتك تماما

-6
عندك هواية معينة بتعمليها صح ؟ زي اشتراكك في المنتديات او كتابة الشعر او القرايا
كل ده قوليله باي باي بعد الجواز هيموت يا روحي بعد جوازك انسيه تماما هواياتك الجديدة هتكون ليها شكل تاني خالص
هتكون في هواية الغسيل ونشره طبعا ...وهواية رضاعة النونو اللي عمال يوأوأ... ...
ده غير هواية خياطة قميصه وتركيب زرايرو الواقعة علي طول

7-
بتتكلمى وتقولى رأيك فى كل شىء صح؟وفى اى مكان ومع اى حد ومن غير خوف وقلق صح؟
لا يا ماما لااااااااااا انسى كل دة نهائى بعد الجواز كل كلمة منك هتطلع بحساب وهيكون ليها حساب
(انتي لية بتقولي كدة ؟) ؟انتى ازاى تسمحى لنفسك تقولى الكلمة دى,,,, يعني مش هتخلصى من زنو
8-
انتى بتشتغلى؟اشتغلى اى شغلانة تحبيها وفى اى مكان تختارية لكن بعد الجواز شغلك هو جوزك
بطلباتة وزنو اللى مش بيخلصو

9-

بتحبى محمد حماقى؟بتحبى راغب علامة؟ومغرمة بعيون توم كروز؟ حبى واعجبى بأى راجل انتى عايزاة وبحلقى فى

دة ودة ...مين أدك براحتك بقى.. لكن مثلا لو حبيتى تقولى رأيك في مطرب او ممثل امور وشيك هيقولك ايه المياصة
دي
حماقي ايه وكروز ايه ؟؟بتحبيهم علي ايه دول ؟؟ بيقولك كدة علي اساس ان حضرته عمر الشريف وانتي مش واخدة بالك

واخيرا اهم حاجة عندك ايه وبتهتمي بيها ايه دلوقتي ؟؟؟

اكيد جمالك ورشاقتك جسمك رشيق ومتناسق صح ؟ مفهوش كرش ولا دهون ؟ وبتلبسي اللي انتي عاوزاه واصغر المقاسات

ده دلوقتي بس .. لكن بعد الجواز هتلبسي اكس اكس اكس لارج


شفتي بقي اقتنعتي ولا لسة ؟؟؟؟؟



معلش طولت عليكم.. لكن كله لمصلحتكم يا بنات



هههههههههههههههههههههه