حلاوة رووووح

حلاوة روح


مجـــروح.. وبضحك حـــــــلاوه روح .. ايــام بتيجى وتــــــــروح .. وأنا بــــــــس أعمل أيه

عايشين ..أنا وقلبى ومش شايفين .. غير جرح وعذاب . وأهين.. يا غلبى من اللى انا فيه

دا مـــافيــــش ولا يــــوم ..... بيعدى عـــــليـــه وغــــــير

مــــا بــكـــــون مـــظلوم ..... والفرح بيبقــــــى قلـــــــيل

حتى اللحظــــه الحلـــوه ..... بسرعه تـــــعدى تمـــــــــر

وبتموت أجمل غــــنـــوه ..... والضحكه طعمــــــها مـــــــر

وهتفضل هى حياتــــى ..... كده زى مـــــا هــــــــــــيه

أســــهر فيها ليلاتـــــى ..... والدمع ساكــــــن عنيــــــه

لا لقيــــت حد جنبـــــى ..... ولا حتى خلص العــــــذاب

ليه بـــس يبقى ذنـــبى ..... أفضل عايش أمـــــل كداب


مكسور .. دنيا تلف تـــدور .. تبني لنا الوهم قصــور .. ومكتوب نعيش فيه

ذكريات .. لحب عاش ومات .. بين حرقه وضياع وأهات .. ها نعيش نندم عليه


دى كــــل ليله بتعـــــدى ..... بيجى نــــــهاره حزيـــــــن

وفكــــرى يجيب ويـــودى ..... هلاقيها منين أنا ولامنين

وإيــــه ياقلبى بأيــــــدى ..... أنا بس ومعملتــــــــوش

عشت أدى الناس الفرح ..... لكن فرحى ملقــــــتوش

ومهما أقول فى كـــلام ..... أوحتى أعيد وأزيــــــــــد

هفضل عايش أوهــــام ..... والجرح ألمه يزيـــــــــــد

يبقى فاضل أيه تانــــى ..... فيه أيه هابكى عليــــــه

لما الكل كده ينسانــى ..... طب الفرح يفتكرنى ليه